2024-03-02 | 17:15
O |
$ АНУ доллар 3,378.33 Евро 3,652.99
Нийтэлсэн:
Нийтэлсэн огноо: 2023/01/23

Төрийн гадаад айлчлалтай, хил гаалийн ачаалалтай долоо хоног


Энэ долоо хоногт Төрийн гадаад айлчлалтай, ОХУ-ын цэрэг татлагатай холбоотой хил гаалиар орж ирэх иргэдийн ачаалал нэмэгдэв. Ерөнхий сайд Их Британи руу Хатан хааныг үдэх ёслолд урилгаар оролцсон бол Ерөнхийлөгч НҮБ-ын Ерөнхий Ассамблейн 77 дугаар чуулганд оролцож дэлхий нийтийг энх тайванд уриалсан юм.

Монгол Улсын Ерөнхий сайд Л.Оюун-Эрдэнэ есдүгээр сарын 19-нд ИБУИНХУ-ын Цог Жавхлант Хатан хаан II Элизабеттай салах ёс гүйцэтгэх Төрийн ёслолд оролцов.

Тэрбээр 2022 оны есдүгээр сарын 18-ны өдөр Вестминстерийн ордонд Хатан хаан II Элизабетийн шарилд хүндэтгэл үзүүлж, Монгол Улсын нэрийн өмнөөс Хааны гэр бүл болон Британийн ард түмэнд эмгэнэл илэрхийлэв. Энэхүү ёслолын дараа Ерөнхий сайд Л.Оюун-Эрдэнэ Ланкастерийн харшид нээсэн эмгэнэлийн дэвтэрт гарын үсэг зурав.